Давхардсан, хоосон, алдаатай болон зөрүүтэй бичигдсэн мэдээллийг засаж, нэг хэлбэрт оруулах үйл явц. Ингэснээр тооцоолол, шүүлтүүр, нэгтгэсэн хүснэгт болон тайлангийн үр дүн үнэн зөв гарна.

Format as Table нь өгөгдлийг шүүлтүүр, бэлэн загвар, автоматаар тэлэх боломжтой ухаалаг хүснэгт болгоно. Шинэ мөр нэмэхэд томьёо, загвар автоматаар үргэлжилдэг. Convert to Range нь хүснэгтийн загвар, өгөгдлийг хэвээр үлдээж, ухаалаг хүснэгтийн нэмэлт боломжуудыгарилган энгийн нүдний муж болгон хувир

Хүснэгтийн мэдээллийг сар, ангилал, ажилтан гэх мэт өөрийн сонголтоор нэг товшилтоор шүүж, хэрэгтэй мэдээллээ хурдан харахад ашиглана.

Нүдэнд бичигдсэн текстээс хамааран өнгийг автоматаар өөрчилж, чухал мэдээлэл болон ажлын төлөвийг хурдан ялгаж харахад ашиглана. Жишээлбэл, “Дууссан” бол ногоон, “Хүлээгдэж буй” бол шар, “Хугацаа хэтэрсэн” бол улаан өнгөөр харуулна.

Хуудас хооронд нэг товшилтоор хурдан шилжиж, хэрэгтэй мэдээллээ хялбар олоход ашиглана. Олон хуудастай Excel файлыг эмх цэгцтэй, ойлгомжтой бөгөөд ашиглахад хялбар болгодог.

Нүдэнд оруулах мэдээллийг урьдчилан тогтоосон сонголтоор хязгаарлаж, буруу болон зөрүүтэй бичилтээс сэргийлнэ. Жишээлбэл, ажилтан, бараа, төлөв зэрэг мэдээллийг жагсаалтаас сонгож оруулснаар бүртгэл жигд, тайлангийн үр дүн зөв гарна.

Жил: Огнооноос оныг ялгана. Борлуулалтыг жилээр харьцуулах, шүүхэд ашиглана. Сар: Огноог он, сарын хэлбэрээр харуулна. Борлуулалтыг сараар нэгтгэх, сарын чиг хандлагыг харахад ашиглана. Гараг: Огнооноос гарагийн нэрийг гаргана. Аль гарагт борлуулалт өндөр эсвэл бага байдгийг шинжлэхэд ашиглана.

Их хэмжээний мэдээллийг ангилал бүрээр хурдан нэгтгэн дүгнэж, тайлан гаргахад ашиглана. Жишээлбэл, борлуулалтыг сар, бараа, борлуулагч тус бүрээр хэдхэн үйлдлээр харьцуулан харж болно.

Графикт зориулсан Pivot Table нь их хэмжээний өгөгдлийг хүссэн ангиллаар нэгтгэж, графикт харуулах суурь мэдээллийг бэлтгэдэг. Эх өгөгдөл нэмэгдэхэд Pivot Table-ээ шинэчилснээр график мөн дагаж шинэчлэгдэнэ.

Хамгийн түгээмэл ашиглагддаг графикууд (Column, Pie, Stacked Column, Line)-ыг үүсгэж, өнгө дизайн, Data Label, Axis, Legend зэрэг тохиргоог засварлаж сурна.

Нэгтгэсэн хүснэгтийн мэдээллийг жил, улирал, сар, өдрөөр нэг товшилтоор шүүж харахад ашиглана. Тайлангийн хугацааг хурдан сольж, өөр өөр үеийн үр дүнг хялбар харьцуулах боломжтой.

Нэгтгэсэн хүснэгтийн мэдээллийг бараа, борлуулагч, салбар, ангилал зэрэг сонголтоор нэг товшилтоор шүүж харахад ашиглана. Ингэснээр хэрэгтэй мэдээллээ хурдан ялгаж, тайланг ойлгомжтой ашиглах боломжтой.

Дашбоард хийхэд хамгийн их ашиглагддаг слайсерын тохиргоонууд нь: Слайсерын тохиргоо – Гарчиг болон үндсэн тохиргоог хийх. Тайлангийн холболт – Нэг слайсераар олон Pivot хүснэгт, графикийг зэрэг удирдах. Слайсерын дизайн – Өнгө, хэмжээ, баганын тоо зэрэг харагдах байдлыг өөрчлөх.

Энэ карт нь их хэмжээний мэдээллээс хамгийн чухал нэг тоог шууд онцолж харуулдаг. Бид дүрсээр загварыг нь хийж, текст хайрцгийг томьёо бүхий нүдтэй холбоно.” Ингэснээр эх өгөгдөл өөрчлөгдөх эсвэл шүүлтүүр сонгоход нийт борлуулалтын дүн автоматаар шинэчлэгддэг үзүүлэлтийн карт бэлэн болно.

Кофе шопын борлуулалтын мэдээллийг ашиглан эхнээс нь дуустал дашбоард бүтээнэ. KPI карт, график, слайсер, өнгөний зохицол, байрлал зэрэг элементүүдийг зөв хослуулж, удирдлагад шууд танилцуулах түвшний дашбоард бэлтгэж сурна.